Arteta: “Premyer Liqada üç qol buraxa bilməzsən”

“Arsenal”ın baş məşqçisi Mikel Arteta İngiltərə çempionatının 32-ci turu çərçivəsində “Sauthempton”la heç-heçəni (3:3) şərh edib.

Komanda.az BBC-yə istinadən xəbər verir ki, ispaniyalı mütəxəssis nəticədən narazı qaldığını bildirib:

“Aydındır ki, nəticədən narazıyıq. Yenə özümüz üçün hər şeyi çətinləşdirdik, amma səhvlər futbolun bir hissəsidir. Oyun zamanı verdiyimiz reaksiyaya görə oyunçularımı hər zamankindən daha çox sevirəm. Qalib gəlməliydik, çünki kifayət qədər şans və imkan yaratdıq, amma olmadı və məyus olduq.

Premyer Liqada üç qol buraxa bilməzsən, buraxsan, biz etdiyimiz kimi, qalib gəlmək çox çətin olacaq”.

“Arsenal” 75 xalla Premyer Liqanın turnir cədvəlinə başçılıq edir.