“Arteta “Mançester Yunayted”ə keçmək üçün “Arsenal”ı tərk edəcək” – Keçmiş futbolçu

İngiltərəli keçmiş müdafiəçi Rio Ferdinand “Arsenal”ın baş məşqçisi Mikel Artetanın “Mançester Yunayted”ə rəhbərlik etməyə razılaşacağını bildirib.

Komanda.az FIVE kanalına istinadən xəbər verir ki, o, bunları deyib:

“Arteta “Mançester Yunayted”ə keçmək üçün “Arsenal”ı tamamilə tərk edəcək. Heç kim bunun baş verəcəyini demir. Amma “Mançester Yunayted” Artetanı əsas hədəf kimi seçsə, o, “Arsenal”ın oyunçularına deyəcək: “Dinləyin uşaqlar, bu, çətindir, amma davam etməliyəm, getməliyəm”.

“Arsenal” 26 turdan sonra Premyer Liqada 58 xalla üçüncü pillədə qərarlaşıb. “Mançester Yunayted” 44 xalla turnir cədvəlinin altıncı pilləsində yer alıb.