“İndi daha çox seçimimiz var” – Arteta

“Arsenal”ın baş məşqçisi Mikel Arteta komandasının İngiltərə Premyer Liqasının 31-ci turunun “Luton”la matçda (2:0) qazandığı qələbədən danışıb.

Komanda.az BBC-yə istinadən xəbər verir ki, o, oyunun çətin keçdiyini bildirib:

“Matç çox çətin keçdi. Düşünürəm ki, biz “Luton”a təşəkkür etməliyik. Onlar yaxşı komandadırlar ki, bizim oyunumuzu çətinləşdirirdilər. İlk hissədə iki çox gözəl qol vurduq. Amma ikinci hissədə rəqibin üslubuna görə düzgün ritm tapa bilmədik. Meydana çıxan uşaqlardan çox razıyam, həlledici təsir bağışladılar. İndi daha çox seçimimiz var, çünki demək olar ki, hər kəs sağalıb və əlçatandır. Üç xal qazandığımız üçün şadam”.

“Arsenal” hazırda 30 oyundan 68 xalla Premyer Liqada turnir cədvəlinə başçılıq edir. “Luton” 31 oyundan sonra 22 xalla 18-ci yerdədir.