Arteta: “Biz buradayıq ki, tarix yazaq”

“Arsenal”ın baş məşqçisi Mikel Arteta UEFA Çempionlar Liqasının PSJ-yə qarşı cavab yarımfinal oyunu ilə bağlı gözləntilərini bölüşüb.

Komanda.az UEFA-nın mətbuat xidmətinə istinadən xəbər verir ki, ispaniyalı mütəxəssis komandasının meydanda cavab verəcəyini bildirib:

“Biz buradayıq ki, tarix yazaq. Finala bizi bir qələbə ayırır. Gəlin, meydanda danışaq”.

Komandalar arasında ilk oyun ötən həftə keçirilib və Paris təmsilçisinin 1:0 hesablı qələbəsi ilə başa çatıb. Cavab qarşılaşması bu gün Fransanın paytaxtında baş tutacaq. Digər yarımfinal qarşılaşmasında “İnter” iki oyunun nəticəsinə görə “Barselona”nı məğlub edərək, turnirin ilk finalçısı olub.