“Arsenal”ın sabiq hücumçusu 39 yaşında karyerasını başa vurdu

Toqo yığmasının sabiq hücumçusu Emmanuel Adebayor futbolçu karyerasını başa vurub.

Komanda.az xəbər verir ki, hazırda 39 yaşı olan forvard bu qərarını sosial şəbəkə hesabında açıqlayıb.

Adebayor peşəkar futbolçu karyerasına Fransanın “Mets” klubunda başlayıb. O, sonralar “Monako”, “Arsenal”, “Mançester Siti”, “Real”, “Tottenhem”, “Kristal Pelas”, “Başakşəhər”, “Kayserispor”, “Olimpiya”, “Semassi” kimi klubların da formasını geyinib. Təcrübəli hücumçu Toqo yığmasında 66 oyuna 29 qol vurub.