“Arsenal”ın İsak planı

“Real Sosyedad”ın hücumçusu Aleksandr İsak karyerasını İngiltərədə davam etdirə bilər.

Komanda.az “Football.london”-a istinadən xəbər verir ki, “Arsenal” yayda İsakın sayəsində hücum xəttini gücləndirmək istəyir. 22 yaşlı isveçli futbolçu “Real Sosyedad” bu mövsümün sonunda avrokuboklara vəsiqə qazanmayacağı təqdirdə, klubunu dəyişmək variantını nəzərdən keçirməyə hazırdır. .

İsak cari mövsümdə “Real Sosyedad”ın heyətində 33 matçda 8 qol vurub, 3 məhsuldar ötürmə edib.

“Transfermarkt”da futbolçunun qiyməti 40 milyon avro göstərilib.

“Real Sosyedad” İspaniya Liqasında 30 oyundan sonra 51 xalla 6-cıdır.