“Arsenal”ın hücumçusu üçün mövsüm bitib?

“Arsenal”ın hücumçusu Qabriel Jesus mövsümün qalan hissəsini buraxa bilər.

Komanda.az “The Athletic”-ə istinadən xəbər verir ki, braziliyalı futbolçunun ön çarpaz bağının qopması şübhəsi var. O, bu gün əlavə tibbi müayinədən keçəcək və bundan sonra zədənin ciddiliyi bəlli olacaq.

“Arsenal” Premyer Liqadan kənar oyunçulara üstünlük verərək, artıq hücumçu axtarışlarına başlayıb.

27 yaşlı forvard bu mövsüm “Arsenal”ın heyətində bütün turnirlərdə 27 oyuna çıxıb, 7 qol vurub və 2 məhsuldar ötürmə edib. Onun London klubu ilə müqaviləsi 30 iyun 2027-ci ilə qədərdir.