Meneceri açıqladı: “Arsenal”dan ayrılır, Berlinə köçür

“Arsenal”ın futbolçusu Qranit Caka karyerasını Almaniyada davam etdirə bilər.

Komanda.az xəbər verir ki, isveçrəli yarımmüdafiəçi ilə “Herta” klubu yaxından maraqlanır. Bu barədə Cakanın meneceri Xose Naqer Almaniya mətbuatında açıqlamasında deyib. O, “Herta” ilə razılaşdıqlarını bildirib:

“Sizə həqiqəti deyim: “Herta” ilə razılaşmışıq və Berlinə köçmək istəyirik. “Arsenal” rəhbərliyi də Cakanın komandadan ayrılmaq istədiyini bilir. Bunu yeni baş məşqçi Mikel Artetaya da demişik. Heç nəyi gizlətmirik. Danışıqlar gedir və iki klub arasında yalnız transfer qiymətində razılaşmaq qalıb”.

2016-cı ildən “Arsenal”da forma geyinən Caka, bu mövsüm 16 oyuna çıxıb. İsveçrə millisində də çıxış edən yarımmüdafiəçinin transfer dəyəri 30 milyon avrodur.