“Yaxşı oynayırıq, döyüşürük, lakin alınmır” – Arteta

“Arsenal”ın baş məşqçisi Mikel Arteta Premyer Liqanın 14-cü turu çərçivəsində “Everton”a məğlub olduqları səfər matçını şərh edib.

Komanda.az xəbər verir ki, “Sky Sports”a danışan ispan mütəxəssis, 1:2 hesabıyla bitən görüşlə bağlı bunları deyib:

“Oyunda üstünlük bizdə idi. Məğlub olmamaq üçün kifayət qədər şanslar yaratdıq. Bu oyunda uğursuzluq yaşadıq.

Yaxşı oynayırıq, döyüşürük, lakin alınmır. “Bernli” ilə oyunda məğlub olduq, bu oyunda çoxlu qol imkanlarımız olsa da, yenə uduzduq. Sürətimizi artırmalıyıq. Qələbə qazanmaq üçün daha çox şey etməliyik. Komandamız mübarizəyə davam edir. Futbolçularım çox kədərlidir”.

“Arsenal” Premyer Liqada 15-ci sıradadır.