Emeri: “Özili heyətə daxil etmədim çünki…”

“Arsenal”ın baş məşqçisi Unay Emeri Avropa Liqasının qrup mərhələsinin 2-ci turunda “Standard”ı (Belçika) məğlub etdikləri oyundan (4:0) sonra fikirlərini bildirib.

Komanda.az xarici mətbuata istinadən xəbər verir ki, ispan mütəxəssis Məsut Özilə nə üçün şans vermədiyinin səbəbini də deyib:

“Məsutu heyətə daxil etmədim, çünki digər oyunçular ondan daha çox oynamağa layiqdir.

İlk iki oyunda 6 xal qazanmaq vacib idi. Yaxşı oynadıq, ancaq yenədə, oyunumuzu inkişaf etdirmək üçün çox çalışmalıyıq.

Topa daha çox sahib olub, daha çox qol imkanları yarada bilərdik. Ancaq Premyer Liqanın sonuncu turunun “Mançester Yunayted”lə oyununda (1:1) çox yorulduq. Buna baxmayaraq, futbolçularım möhtəşəm oyun sərgilədi”.