Arteta: “O, digər oyunçuları da ruhlandırır”

“Arsenal”ın baş məşqçisi Mikel Arteta Premyer Liqanın 18-ci turunda “Lids”i məğlub etdikləri oyunu şərh edib.

Komanda.az xəbər verir ki, ispan mütəxəssis, 4:1 hesabıyla qələbə qazandıqları matçla bağlı bunları deyib:

“Möhtəşəm performans sərgilədik. Futbolçular oyuna düzgün yanaşdı və plan üzrə tapşırıqları yerinə yetirdilər.

Həftədə üç oyun keçiririk. Fiziki baxımdan çox çətindir. Buna baxmayaraq, nəticədən məmnunam. Qələbəyə layiq idik.

Aleksandr Lakazett son matçlarda yaxşı performans sərgiləyir. O, digər oyunçuları da ruhlandırır”.