Artetadan 0:1-ə şərh: “Qələbə qazanmaq üçün hər şeyi etdik”

“Arsenal”ın baş məşqçisi Mikel Arteta Premyer Liqanın 12-ci turu çərçivəsində “Bernli”yə məğlub olduqları oyundan sonra fikirlərini bildirib.

Komanda.az xarici mətbuata istinadən xəbər verir ki, ispan mütəxəssis, 0:1 hesabıyla bitən görüşü belə şərh edib:

“Hər kəs futbolçularımın necə oynadıqlarını, onların qələbəni nə qədər istədiklərini gördü, ancaq qırmızı vərəqə bizim məğlub olmağımıza gətirib çıxardı. Qırmızı vərəqəyə qədər oyun bizim nəzarətimizdə idi. Bu 70 dəqiqə ərzində qol vurmalı idi.

Qələbə qazanmaq üçün hər şeyi etdik, şanslar yaratdıq, həqiqətən də yaxşı oynadıq. Futbolçularım qələbəni çox istəyirdilər. Bu istək bəzi şansları qaçırmağımıza səbəb ola bilər”.

“Arsenal” Premyer Liqada 15-ci sıradadır.