“Arsenal” “Liverpul”un hücumçusunu istəyir

“Liverpul”un hücumçusu Darvin Nunyes İngiltərə Premyer Liqasının digər top-klubuna keçə bilər.

Komanda.az “Todofichajes”-ə istinadən xəbər verir ki, uruqvaylı forvardın transferində “Arsenal” maraqlıdır.

Nunyes ispaniyalı məşqçi Mikel Artetanın rəhbərliyi altında işləmək üçün İngiltərənin paytaxtına köçməyə razı ola bilər. Mersisaydlılar da futbolçunu satmaq təklifini nəzərdən keçirməyə hazırdırlar.

25 yaşlı hücumçu İngiltərə Premyer Liqasında ötən mövsüm 36 matçda iştirak edib, 11 qol vurub və 8 məhsuldar ötürmə verib.