“Arsenal” Özili niyə istəmir?

“Arsenal”ın baş məşqçisi Unay Emeri yarımmüdafiəçi Məsut Özilin satılmasını istəyir.

Komanda.az xəbər verir ki, buna səbəb, Emerinin həmin mövqeyə yeni futbolçunun transfer edilməsini istəməsidir. Bu barədə İngiltərənin “Daily Mail” nəşri məlumat yayıb.

“Arsenal”ın Özilin satışından gələn pulu yeni futbolçu transferi üçün xərcləyəcəyi bildirilir. “Topçular” həm də, Özili sataraq, onun həftəlik yüksək məvacibindən qurtulmaq istəyir. Türk əsilli alman futbolçu həftəlik 350 min funt-sterlinq qazanır.

Özil 2013-cü ildə 47 milyon avroya “Real”dan “Arsenal”a keçib. 30 yaşlı yarımmüdafiəçinin transfer dəyəri 35 milyona avrodur.

Özil cari mövsümdə 16 qarşılaşmada iştirak edərək, 4 qol vurub.