İtaliyalı müdafiəçi gəlsə, o, gedəcək

Polşalı müdafiəçi Yakub Kivor cari transfer pəncərəsində “Arsenal”ı tərk edə bilər.

Komanda.az xarici KİV-ə istinadən xəbər verir ki, “topçular” italiyalı müdafiəçi Rikardo Kalafiorinin transferini rəsmiləşdirsələr, 24 yaşlı futbolçunu sata və ya icarəyə verə bilərlər.

Daha əvvəl polşalı futbolçu ilə “İnter”in maraqlandığı bildirilirdi.

Kivor ötən mövsüm İngiltərə Premyer Liqasında 20 oyun keçirib, 1 qol vurub, 4 məhsuldar edib.