“Arsenal” ispan futbolçusunu satdı

İtaliyanın “Montsa” klubu ötən yay “Arsenal”dan icarəyə götürdüyü Pablo Marinin transfer hüquqlarını da alıb.

Komanda.az xəbər verir ki, A Seriyası təmsilçisi İspaniyadan olan 29 yaşlı futbolçunun birdəfəlik transferi üçün İngiltərə klubuna 4,9 milyon avro ödəyib.

Mari geridə qalan mövsümdə “Montsa”da 31 oyuna çıxıb, 1 qol vurub. Təcrübəli futbolçunun “Arsenal” karyerası isə 22 oyun və 1 qoldan ibarətdir.