“Mançester Yunayted” darmadağınla 1/4 finalda

Futbol üzrə İngiltərə kubokunda 1/8 final mərhələsinin oyunları keçirilib.

Komanda.az xəbər verir ki, ilk oyun günündə bir görüş baş tutub.

“Arsenal” səfərdə “Portsmut”la qarşılaşıb. İnamlı qələbə qazanan London təmsilçisi ilk 1/4 finalçı olub.

Mərhələnin ən maraqla gözlənilən qarşılaşması “Çelsi” ilə “Liverpul” arasında baş tutub. London klubu inamlı qələbə sayəsində Premyer Liqanın liderini kubokdan kənarlaşdırıb. “Nyukasl” “Vest Bromviç”dən, “Şeffild Yunayted” isə “Ridinq”dən üstün olub.

Üçüncü oyun günündə daha üç qarşılaşma baş tutub. “Lester Siti” doğma meydanda “Birmingem”i, “Mançester Siti” isə səfərdə “Şeffild Uensdey”i 1 qolla üstələyib. “Tottenhem” – “Norviç” matçında isə əsas vaxtda qalib müəyyənləşməyib. Əlavə vaxtda da hesab dəyişməyincə, qalibin adına penaltilər seriyasında aydınlıq gəlib. 11 metrlik zərbələri daha dəqiq yerinə yetirən “Norviç” böyük sensasiyaya imza ataraq, “Tottenhem”i kubokdan uzaqlaşdırıb.

Sonuncu oyun günündə “Mançester Yunayted” səfərdə “Derbi Kaunti”yə böyük hesabla qalib gəlib və növbəti mərhələyə yüksəlib.

İngiltərə kuboku, 1/8 final

2 mart

Portsmut – Arsenal 0:2
Qol: Papastatopulos, 45+4. Nketia, 51.

3 mart

Çelsi – Liverpul 2:0
Qol: Villian, 13. Berkli, 64.

Ridinq – Şeffild Yunayted 1:2
Qol: Puşkaş, 43-pen – Makqoldrik, 2. Şarp, 107.

Vest Bromviç – Nyukasl 2:3
Qol: Filips, 74. Zohore, 90+3 – Almiron, 33; 45+1. Lazarov, 47.

4 mart

Lester Siti – Birmingem 1:0
Qol: R.Pereyra, 82.

Şeffild Uensdey – Mançester Siti 0:1
Qol: Aquero, 53.

Tottenhem – Norviç 1:1 (penaltilər 2:3)
Qol: Vertongen, 13 – Drmiç, 78.

5 mart

Derbi Kaunti – Mançester Yunayted 0:3
Qol: Şou, 33. İqalo, 41; 70.

Beləliklə, İngiltərə Federasiya kubokunun 1/4 final mərhələsində aşağıdakı komandalar üz-üzə gələcək:

Lester – Çelsi
Norviç – Mançester Yunayted
Nyukasl – Mançester Siti
Şeffild Yunayted – Arsenal