“Arsenal” hücumçusu üçün təklif gözləyir

“Arsenal” yay transfer pəncərəsində hücumçularından biri ilə yollarını ayıra bilər.

Komanda.az “The Athletic”-ə istinadən xəbər verir ki, London klubunun rəhbərliyi braziliyalı hücumçu Qabriel Jesusla vidalaşmağa hazırdır.

Klub potensial alıcılardan təklif gözləyir. Jesusun “topçular”la müqaviləsi 2027-ci ilə qədərdir.

27 yaşlı braziliyalı forvard İngiltərə Premyer Liqasının cari mövsümündə 24 oyunda iştirak edib. O, bu matçlarda 4 qol və 4 məhsuldar ötürmə ilə yadda qalıb.