“Arsenal” 65 milyon avroya hücumçu ala bilər

Serbiya millisinin və “Yuventus”un hücumçusu Duşan Vlahoviç İngiltərə Premyer Liqasının top-klubuna keçə bilər.

Komanda.az xarici kİV-ə istinadən xəbər verir ki, “Arsenal” serbiyalı futbolçunun xidmətində maraqlıdır.

“Topçular” uzun müddətdir ki, hücumun mərkəzi üçün əlavə qüvvə axtarır. Vlahoviçin namizədliyini komandanın baş məşqçisi Mikel Arteta şəxsən təsdiqləyib. Onun transfer dəyəri 65 milyon avrodur.

Vlahoviç cari mövsümdə 18 matçda iştirak edib, 10 qol vurub və 2 məhsuldar ötürmə verib. Onun klubu ilə müqaviləsinin müddəti 2026-cı ilin ortalarına kimi hesablanıb.