“Arsenal” 18 yaşlı futbolçusu üçün təklif hazırlayır

“Arsenal” yarımmüdafiəçisi Mayls Luis-Skelli ilə müqavilə müddətini uzatmaq istəyir.

Komanda.az xarici KİV-ə istinadən xəbər verir ki, London klubunun rəhbərliyi 18 yaşlı ingiltərəli futbolçu üçün təklif hazırlayır.

Məşqçilər heyəti uzunmüddətli perspektivdə “Arsenal”ın əsas oyunçularından birinə çevrilməli olan Maylsın tərəqqisindən məmnundur. O, İngiltərə Premyer Liqasının cari mövsümündə “topçular”ın heyətində 7 oyuna çıxıb.

“Arsenal” İngiltərə Premyer Liqasının turnir cədvəlində lider “Liverpul”dan 4 xal geri qalaraq 2-ci pillədə qərarlaşıb.