Arda AÇ-2024-də qol vurdu, “Real” azarkeşlərinə təşəkkür etdi

Türkiyə millisinin yarımmüdafiəçisi Arda Gülər ​​Gürcüstan yığması ilə 2024-cü il Avropa çempionatı matçından sonra “Real” azarkeşlərinə təşəkkür edib.

Komanda.az xəbər verir ki, gənc futbolçu sosial şəbəkədə bunu paylaşıb:

“Dəstəyinizə görə təşəkkür edirəm, ailə”.

Türkiyə millisi 3:1 hesabı ilə qalib gəlib, gənc yarımmüdafiəçi baxımlı qola imza atıb.

Arda ​​Avropa çempionatında debüt matçında qol vuran ən gənc futbolçu olub. O, Kriştiano Ronaldonun rekordunu geridə qoyub.

Türkiyə millisi növbəti oyunda Portuqaliya ilə qarşılaşacaq. Bu komandalar arasında görüş iyunun 22-də baş tutacaq.