Arda: “Çempionlar Liqası “Real”ın turniridir”

“Real”ın yarımmüdafiəçisi Arda Gülər ​​UEFA Çempionlar Liqasının yarımfinalında “Bayern”lə qarşılaşacaqları oyunla bağlı gözləntilərini bölüşüb.

Komanda.az “Marca”-ya istinadən xəbər verir ki, türkiyəli futbolçu Çempionlar Liqasının “Real”ın turniri olduğunu bildirib:

“Çempionlar Liqası “Real”ın turniridir. Ümid edirəm ki, səfərdə yaxşı nəticə qazanıb, evə əlverişli hesabla qayıdacağıq”.

“Bayern”lə “Real” arasında ilk görüş aprelin 30-da Münhendə baş tutacaq. Cavab qarşılaşması bir həftə sonra İspaniyada keçiriləcək.