“Araz-Naxçıvan”ın qapıçısı Moldova millisinə çağırılıb

“Araz-Naxçıvan” klubunun moldovalı qapıçısı Kristian Avram ölkəsinin yığmasına dəvət alıb.

Komanda.az klubun mətbuat xidmətinə istinadən xəbər verir ki, 30 yaşlı oyunçu noyabrın 11-dən 20-dək millinin düşərgəsində olacaq.

Moldova yığması noyabrın 16-da UEFA Millətlər Liqasında Andorra ilə qarşılaşacaq. Komanda bundan üç gün sonra Cəbəllütariqlə yoxlama matçında qüvvəsini sınayacaq.