“Araz-Naxçıvan” “Sabah”ın futbolçusunu icarəyə götürmək istəyir

“Araz-Naqxçıvan” heyətini yeni futbolçu ilə gücləndirməyi planlaşdırır.

Komanda.az saytına verilən məlumata görə, Naxçıvan klubu “Sabah”da çıxış edən İldar Alekperovun xidmətində maraqlıdır.

“Araz-Naxçıvan” 22 yaşlı yarımmüdafiəçini mövsümün sonuna kimi icarəyə götürmək istəyir. Hazırda iki klub arasında danışıqlar davam edir.

İldar Alekperov “Sabah”la Antalyaya təlim-məşq toplanışına yollanmayıb. Yarımmüdafiəçi hazırda Bakıda əvəzedici komanda ilə birlikdə məşq edir.