“Araz-Naxçıvan” – “Səbail” matçının yeri dəyişdirildi

Azərbaycan Premyer Liqasının 8-ci turunun “Araz-Naxçıvan” – “Səbail” matçı Sumqayıtda keçiriləcək.

Komanda.az xəbər verir ki, bu barədə Peşəkar Futbol Liqasının mətbuat xidməti məlumat yayıb.

“Liv Bona Dea Arena”nın qazonunda aparılan renovasiya işləri ilə əlaqədar “Araz-Naxçıvan” klubunun rəsmi müraciəti, Peşəkar Futbol Liqasının təftişi və Əsasnamənin müvafiq bəndi ilə Azərbaycan Premyer Liqasının 8-ci turunun “Araz-Naxçıvan” – “Səbail” görüşünün Sumqayıt şəhərində yerləşən stadionda oynanılmasına qərar verilib.

Oyun əvvəlcədən nəzərdə tutulduğu kimi, sentyabrın 27-də, saat 19:00-da başlayacaq.