Araz Abdullayevli “Boluspor” səfərdən 1 xalla döndü

Futbol üzrə Türkiyə 1-ci liqasında 33-cü turun oyunları keçirilib.

Komanda.az xəbər verir ki, Azərbaycan yığmasının yarımmüdafiəçisi Araz Abdullayevin formasını geyindiyi “Boluspor” da növbəti matçına çıxıb.

Sözügedən kollektiv səfərdə “İstanbulspor”la qarşılaşıb. Futbolçumuzun komandası bu oyundan heç-heçə ilə ayrılıb – 1:1.

Araz da bu görüşün iştirakçısı olub. O, start heyətdə meydana çıxıb və 89-cu dəqiqədə əvəzlənib.

33 oyundan sonra hesabında 39 xalı olan “Boluspor” 18 kollektiv arasında 12-ci pillədə qərarlaşıb.