Araz Abdullayevin komandası yenə uduzdu

Futbol üzrə Türkiyə 1-ci liqasında 15-ci turun oyunları keçirilir.

Komanda.az xəbər verir ki, Azərbaycan yığmasının yarımmüdafiəçisi Araz Abdullayevin formasını geyindiyi “Boluspor” da növbəti matçına çıxıb.

Sözügedən kollektiv səfərdə “Samsunspor”la qarşılaşıb. Futbolçumuzun komandası bu oyundan məğlubiyyətlə ayrılıb – 0:1.

Araz bu görüşün iştirakçısı olmayıb. Onun adı matçın iştirak ərizəsinə də daxil edilməyib.

15 turdan sonra hesabında 13 xal olan “Boluspor” 18 kollektiv arasında 14-cü pillədə qərarlaşıb.