Arauxo yeni müqavilə bağlamasa, satılacaq

“Barselona”nın müdafiəçisi Ronald Arauxo yaxın gələcəkdə komandasını tərk edə bilər.

Komanda.az “Sport”-a istinadən xəbər verir ki, uruqvaylı futbolçu yaxın aylarda klubla müqaviləsini yeniləməsə, böyük ehtimalla, qarşıdakı yayda satılacaq.

Arauxonun “Barselona” ilə hazırkı müqaviləsi 2026-cı ilin yayında başa çatacaq. Kataloniya klubu 25 yaşlı müdafiəçisini pulsuz itirmək istəmir, buna görə də, onunla müqaviləni uzatmaq niyyətindədir.

Arauxonun adı daha əvvəl “Bayern”lə yanaşı hallanırdı.