Arauxo: “Uzun müddət “Barselona”da qalacam”

“Barselona”nın müdafiəçisi Ronald Arauxo yeni müqaviləsinin detallarını şərh edib.

Komanda.az “Barca Universal”-a istinadən xəbər verir ki, uruqvaylı futbolçu bu barədə heç nə bilmədiyini söyləyib:

“Bu barədə heç nə bilmirəm, amma deyə bilərəm ki, uzun müddət “Barselona”da qalacam”.

Kataloniya klubu keçən həftə Arauxo ilə yeni müqavilə imzaladığını açıqlamışdı. Sözləşmənin müddəti 2031-ci ilə qədərdir və gələn yayda başlayacaq 65 milyon avroluq sərbəst buraxılma bəndini də əhatə etdiyi bildirilir.