APOEL – “Qarabağ” matçı üçün italiyalılar

“Qarabağ”ın UEFA Çempionlar Liqasının 3-cü təsnifat mərhələsinin ilk oyunları çərçivəsində APOEL-lə səfərdə keçirəcəyi matçın hakim təyinatları məlum olub.

Komanda.az UEFA-ya istinadən xəbər verir ki, Nikosiyada keçiriləcək matçı İtaliyadan olan hakimlər briqadası idarə edəcək. Oyunun baş hakim David Massa olacaq. Ona Fabiano Preti və Alberto Tegoni yardım edəcək. Dördüncü hakim funksiyasını isə Rosario Abisso yerinə yetirəcək.

Massa keçən mövsüm Avropa Liqasının qrup mərhələsində keçirilən “Qarabağ” – “Arsenal” oyunununda da baş hakim olmuşdu. Matç londonluların 3:0 hesablı qələbəsi ilə başa çatmışdı.

APOEL – “Qarabağ” matçı avqustun 6-da keçiriləcək, saat 21:00-da start götürəcək.