APOEL-in futbolçusu: “Hamımız buna öncədən inanırdıq”

Kiprin APOEL klubunun futbolçusu Georgi Efrem Avropa Liqasının qrup mərhələsinin 4-cü turunda Azərbaycan çempionu “Qarabağ”a qarşı keçirdikləri oyunu şərh edib.

Komanda.az xəbər verir ki, o, 2:1 hesabı ilə qalib gəldikləri oyundan sonra yerli mətbuata açıqlamasında bunları söyləyib:

“Qolu kimin vurmasının əhəmiyyəti yoxdu. Mən də bunu qeyd etdim. Bu, komandanın vurduğu qoldu. Xoşbəxtik və yolumuza davam edirik.

Lüksemburqa, “Düdelanj”la oyuna qələbə və mərhələ keçmək üçün gedəcəyik. Hamımız əvvəldən mərhələ keçəcəyimizə inanırdıq. Bu qələbənin bizə ölkə çempionatında da kömək edəcəyinə əminik. “Düdelanj”a öz meydanımızda məğlub olmuşduq. Qisas almaq üçün qalib gəlməliyik”.