Anyelli: “Yuventus”un bu yükü uzun müddət daşımasını istəmirəm”

“Yuventus”un sabiq prezidenti Andrea Anyelli klubun problemləri ilə bağlı fikirlərini bölüşüb.

Komanda.az “Calciomercato”-ya istinadən xəbər verir ki, Anyelli, “qoca sinyora”nın yeni rəhbərliyinin kluba yönələn ittihamlarla heç bir əlaqəsinin olmadığını deyib:

“Yuventus”un bu yükü uzun müddət daşımasını istəmirəm. Yeni rəhbərliyin bu iddialarla heç bir əlaqəsi yoxdur. Mən şəxsən məhkəmədə özümü istənilən ittihama qarşı müdafiə edəcəm”.

Daha əvvəl maliyyə fırıldaqlarına görə “Yuventus”un İtaliya A Seriyasında 15 xal silinib. Komanda 32 xalla turnir cədvəlinin 7-ci pilləsində qərarlaşıb.