Ançelottinin taleyi Çempionlar Liqasından asılıdır

“Real”ın baş məşqçisi Karlo Ançelotti bu mövsüm əldə etdiyi nəticələrlə klub rəhbərliyini qane etmir.

Komanda.az xarici KİV-ə istinadən xəbər verir ki, italiyalı çalışdırıcı UEFA Çempionlar Liqasının pley-off mərhələsinə yüksələ bilməsə, qovula bilər.

Ançelotti qovulsa, komandanın baş məşqçi postunu hazırda “kral klubu”nun direktoru olan Santyaqo Solarinin müvəqqəti tutması gözlənilir. Leverkuzen “Bayer”indən Xabi Alonso “Real”ın baş məşqçi postuna əsas namizəd hesab olunur. Onun namizədliyini klubun prezidenti Florentino Peres irəli sürüb.

İspaniya çempionatının 19 turundan sonra aktivində 43 xal olan “Real” turnir cədvəlinin 2-ci pilləsində qərarlaşıb.