“Bu heyətlə bütün yarışlarda rəqabətədavamlı ola bilərik” – Ançelotti

“Real”ın baş məşqçisi Karlo Ançelotti komandasının yeni mövsüm üçün hədəflərindən danışıb.

Komanda.az xarici KİV-ə istinadən xəbər verir ki, o, klubun hazırda 7 kubok haqqında düşünmədiyini bildirib:

“Klublararası dünya çempionatı ilə bağlı vəziyyət bəlli olmadığı üçün neçə turnirimiz olacağı hələ məlum deyil. Bizi gözləyən bütün turnirlərdə və oyunlarda mübarizə aparmağa çalışacağıq. Heç kim bütün kubokları qazanmaq haqqında düşünmür. Biz hər oyuna hazırlaşacağıq. Biz bu heyətlə bütün yarışlarda rəqabətədavamlı ola bilərik”.

“Real” bu gün La Liqada səfərdə “Malyorka” ilə qarşılaşacaq.