Ançelotti PSJ-dən niyə gedib?

“Real”ın baş məşqçisi Karlo Ançelotti PSJ-ni tərk etməsinin səbəblərini xatırladıb.

Komanda.az xarici mətbuata istinadən xəbər verir ki, italiyalı mütəxəssis, Paris klubunun rəhbərliyinin onun qarşısına şərt qoyduğunu deyib:

“PSJ rəhbərliyi mənə dedi ki, komanda “Portu”ya qalib gəlməsə, məni qovacaqlar. Mən isə onlara dedim ki, bunu mənə necə deyə bilərsiz? Çünki bu, bizim inamımızı sarsıdır”.

PSJ və “Portu” 2012/2013 mövsümündə Çempionlar Liqasının qrup mərhələsində çıxış edib. Ev matçında Portuqaliya komandası minimal hesablı qələbə qazanıb. Fransada isə meydan sahibləri qələbəni bayram ediblər – 2:1.

Ançelotti 2012-ci ilin yanvarından 2013-cü ilin iyununa kimi Paris komandasını çalışdırıb. O, PSJ ilə Fransa çempionu olub.