Ançelotti narazıdır

“Real”ın baş məşqçisi Karlo Ançelotti Kazemironun “Mançester Yunayted”ə keçməsi xəbərindən narazıdır.

Komanda.az xarici KİV-ə istinadən xəbər verir ki, Ançelotti braziliyalı oyunçunu vazkeçilməz hesab edir.

Daha əvvəl bildirilmişdi ki, Kazemiro və “Mançester Yunayted” şəxsi müqavilənin şərtlərini razılaşdırıblar.

“Mançester Yunayted”in futbolçu üçün 60 milyon avro ödəyəcəyi, daha 10 milyon avronu isə bonuslarla təmin edəcəyi gözlənilir. Kazemiro ilə müqavilə 4 illik və daha bir mövsüm uzadılmaq şərti ilə imzalanacaq.

Yarımmüdafiəçinin “kral klubu” ilə müqaviləsi 2025-ci ilin yayına kimi nəzərdə tutulub. Braziliyalı futbolçu 2013-cü ildən “Real”da çıxış edir. 

Bizi Telegramda izləyin