Ançelotti Mareskaya nə məsləhət verib?

“Çelsi”nin baş məşqçisi Enzo Mareska “Real”ın çalışdırıcısı Karlo Ançelottinin məsləhətini xatırladıb.

Komanda.az “Sky Sports”-a istinadən xəbər verir ki, italiyalı çalışdırıcı mövsümöncəsi oyunda Ançelottinin ona taktiki məsləhət verdiyini bildirib:

“Mən futbolçu olanda Ançelotti ilə işləmişəm, ona görə də, onun nə qədər yaxşı olduğunu bilirəm. Mövsümöncəsi oyunda o, mənə taktiki məsləhətlər verdi. Biz yüksək müdafiə xətti ilə oynayırdıq və o, mənə dedi: “Sizə hansısa bir məsləhət verə bilərəmsə, xətti aşağı salın – bu, çox yüksəkdir”.

“Çelsi” avqustun əvvəlində mövsümöncəsi matçda “Real”la qarşılaşıb. Madridlilər bu oyunda 2:1 hesabı ilə qalib gəlib.

“Çelsi” hazırda Premyer Liqanın turnir cədvəlində 2-ci yeri tutur.