Ançelotti: “Mançester Siti” ilə oyun böyük sınaq olacaq”

“Real”ın baş məşqçisi Karlo Ançelotti komandasının Çempionlar Liqasının 1/4 finalında Pep Qvardiolanın rəhbərlik etdiyi “Mançester Siti” ilə qarşılaşacağı matçla bağlı fikirlərini bölüşüb.

Komanda.az xarici KİV-ə istinadən xəbər verir ki, italiyalı məşqçi “Mançester Siti” ilə oyunun böyük sınaq olacağını bildirib:

“Bəli, biz Qvardiola ilə bir-birimizi tez-tez görürük (son illərdə). Amma bu yaxşıdır və o deməkdir ki, ikimiz də yaxşıyıq. “Mançester Siti” ilə oyun böyük sınaq olacaq. Ardıcıl üçüncü ildir ki, bir-birimizlə yarışırıq. Bu matç futbolun bəzəyi olacaq”.

“Real”la “Mançester Siti” arasında ilk oyun aprelin 9-da İspaniyada, cavab oyunu aprelin 17-də Mançesterdə keçiriləcək.