Ançelotti: “Layiqli qələbə qazandıq”

“Real”ın baş məşqçisi Karlo Ançelotti “Xetafe” üzərində qələbə qazandıqları oyundan sonra mətbuata açıqlama verib. Komanda “Santyaqo Bernabeu”da 2:0 hesabı ilə qalib gəlib.

Komanda.az “Marca”-ya istinadən xəbər verir ki, italiyalı çalışdırıcı layiqli qələbə qazandıqlarını bildirib:

“Komandam yaxşı oyun göstərdi və layiqli qələbə qazandıq. Kilian Mbappe bu görüşdə təhlükəli idi və möhtəşəm qola imza atdı. Bu, ondan istədiyimiz oyun növüdür. “Liverpul”la oyundakı uğursuzluqdan sonra azarkeşlər Mbappeni dəstəklədilər”.

25 yaşlı fransalı forvard İspaniya çempionatının cari mövsümündə 13 oyun keçirib, 8 qol vurub və 1 məhsuldar ötürmə verib.