ÇL: “Napoli” əks-hücumda çox təhlükəlidir” – Ançelotti

“Real”ın baş məşqçisi Karlo Ançelotti Çempionlar Liqasının qrup mərhələsinin 5-ci turunda “Napoli” ilə qarşıdakı oyun haqda danışıb.

Komanda.az xarici KİV-ə istinadən xəbər verir ki, italiyalı mütəxəssis bunları deyib:

“Bu oyun bizə indiyə qədər çox yaxşı çıxış etdiyimiz qrup mərhələsini yüksək səviyyədə başa vurmaq şansı verir. Bizim daha bir şansımız var və əlimizdən gələni etmək istəyirik, ən vacibi budur. İlk matç bərabər alındı və bir komandanın nəzarətdə olduğu, digərinin isə oyunu idarə etdiyi vaxtlar oldu. Bu gün də bununla bağlı heç nə dəyişməyəcək. “Napoli” əks-hücumda çox təhlükəlidir, xüsusən də, Viktor Osimhen sayəsində. Onları dayandırmaq üçün bunu bilməliyik”.

Dörd turdan sonra “Real” C qrupunda 12 xalla birinci yerdədir.