Ançelotti: “Hazırda mənim kimi orijinal baş məşqçi yoxdur”

“Real”ın çalışdırıcısı Karlo Ançelotti maraqlı açıqlama verib.

Komanda.az “TyC Sport”-a istinadən xəbər verir ki, o, hələ də futboldan həzz aldığını deyib:

“Hazırda mənim kimi orijinal baş məşqçi yoxdur. Pep Qvardiola, Mikel Arteta, Roberto de Zerbi kimi futbol oyunlarında mərc edən və futbolçuları yaxşı motivasiya etməyi bacaran Xose Bardalas (“Xetafe”nin baş məşqçisi) kimi mütəxəssisləri bəyənirəm.

Bardalasın komandanı motivasiya etmək üsulu xoşuma gəlir. Hələ futboldan həzz alıram. Hər gün futbolçularla işləməyi və qələbə qazanmaq üçün yeni metodlar tapmağı sevirəm”.

Ançelottinin çalışdırdığı “Real” İspaniya La Liqasının 2023/24 mövsümündə iki oyuna maksimum nəticə göstərib. “Kral klubu” 6 xalla turnir cədvəlində birinci yerdədir.