Ançelotti: “Ən yaxşı oyunlarımızdan birini keçirdik”

“Real”ın baş məşqçisi Karlo Ançelotti İspaniya çempionatının 17-ci turunun “Vilyarreal”la oyununu (4:1) şərh edib.

Komanda.az Madrid klubunun rəsmi saytına istinadən xəbər verir ki, o, komandasının oyununu yüksək dəyərləndirib və mövsümün sonuna qədər inadkar mübarizə aparacaqlarını söyləyib:

“Bu, tam komanda işi idi və biz müstəsna səviyyədə kollektiv öhdəlik nümayiş etdirdik. Modriçin Bellingemə ötürməsi kimi fərdi parlaq anlar əsas idi. Biz yaxşı iş görürük və bu gün ən yaxşı oyunlarımızdan birini keçirdik.

Hazırda “Jirona” çempionatda əsas rəqibimizdir. Mövsüm çox uzundur. “Barselona” və “Atletiko” da daxil olmaqla, mübarizə sona qədər inadkar olacaq”.

Bu görüşdən sonra “Real” 42 xalla turnir cədvəlinin 1-ci pilləsinə yüksələrək “Jirona”nı 1 xal qabaqlayıb. “Vilyarreal” 16 xalla 14-cü yerdədir.