Amorimin “qara siyahı”sındakı 4 futbolçu

“Mançester Yunayted”in baş məşqçisi Ruben Amorim yeni mövsümə ciddi islahatlarla hazırlaşır.

Komanda.az “The Sun”-a istinadən xəbər verir ki, portuqaliyalı mütəxəssis hücum xəttindəki dörd futbolçunu planlarına daxil etmir. “Qara siyahı”ya düşən oyunçular bunlardır: Markus Reşford, Ceydon Sanço, Antoni və Alexandro Qarnaço.

Bu futbolçulardan Reşford, Sanço və Antoni yayda icarədən qayıdıblar.

Bu oyunçulardan hansısa biri mövsümöncəsi toplanışa qədər satılmasa, həmin futbolçular ABŞ-da keçiriləcək hazırlıq turuna aparılmayacaq. Onlar bunun əvəzində “Mançester Yunayted”in bazasında fərdi şəkildə məşqlərə davam edəcəklər.

“Mançester Yunayted” Premyer Liqanın son mövsümünü turnir cədvəlinin 15-ci pilləsində tamamlayıb.