“Amorim bizə lazım olan adamdır”

“Mançester Yunayted”in müdafiəçisi Dioqo Dalot komandanın baş məşqçisi Ruben Amorim haqda fikirlərini bölüşüb.

Komanda.az xarici KİV-ə istinadən xəbər verir ki, portuqaliyalı futbolçu, Amorimin çox tələbkar olduğunu bildirib:

“Amorim məhz belə bir klub üçün bizə lazım olan adamdır. O, çox tələbkardır. Bu, bir klubun sahib olduğu standartdır. İnsanlardan peşəkar olmağı və komanda üçün çox çalışmağı tələb edir. Bu, Amorimin hər gün bizə verdiyi aydın mesajdır”.

“Mançester Yunayted” Amorimin rəhbərliyi altında debüt matçında “İpsviç”lə səfərdə 1:1 hesablı heç-heçə edib. Komanda növbəti oyununu noyabrın 28-də, Avropa Liqasında “Bodo-Qlimt”ə qarşı keçirəcək.