Amorim yeni transferi təriflədi

“Mançester Yunayted”in baş məşqçisi Ruben Amorim “Vest Hem”ə 2:1 hesabı ilə qalib gəldikləri yoxlama oyunundan sonra yeni hücumçu Mateus Kunyanı tərifləyib.

Komanda.az xarici KİV-ə istinadən xəbər verir ki, o, braziliyalı futbolçunun komandaya çox kömək edə biləcəyini deyib:

“Kunya bizə çox kömək edə bilər. O, topla əla qaçışlar edir. Keçən mövsüm bizdə bu çatışmırdı”.

“Qırmızı şeytanlar” Bruno Fernandesin dublu sayəsində qalib gəlib. Kunya 66-cı dəqiqəyə qədər oynayıb və bundan sonra onu Meyson Maunt əvəz edib.

26 yaşlı forvard yayın əvvəlində “Vulverhempton”dan “Mançester Yunayted”ə keçib. Onun transferi 74 milyon avroya başa gəlib.