Amit Quluzadə üçün 90 dəqiqə və 3 xal

Futbol üzrə Moldova çempionatında 7-ci turun oyunları keçirilib.

Komanda.az xəbər verir ki, Azərbaycanın yığmasının sabiq üzvü Amit Quluzadənin formasını geyindiyi “Milsami” də növbəti matçına çıxıb.

Sözügedən komanda doğma meydanda “Kodru Lozova” ilə qarşılaşıb. Quluzadənin komandası bu oyundan qələbə ilə ayrılıb – 3:1.

Millimizin sabiq üzvü də bu görüşün iştirakçısı olub. Amit start heyətdə meydana çıxıb və sonadək mübarizə aparıb.

7 turdan sonra 11 xalı olan “Milsami” 10 kollektiv arasında 4-cü pillədə qərarlaşıb.