Amerikalı uğrunda mübarizəyə “Lion” da qoşulub

Fransanın “Lion” klubu “Çelsi”nin hücumçusu Kristian Pulişiçi transfer etmək istəyir.

Komanda.az “The Athletic”-ə istinadən xəbər verir ki, Liqa 1 təmsilçisi amerikalı vinger üçün London klubuna 25 milyon avroluq rəsmi təklif göndərib. “Zadəganlar” buna müsbət yanaşır.

Pulişiç üçün “Milan” da “Çelsi”yə şifahi olaraq 14 milyon avro təklif edib. Futbolçunun özü İtaliya klubu ilə şəxsi razılıq əldə edib.

Pulişiç 2019-cu ilin yanvarından “Çelsi”də çıxış edir. Onun klubla hazırkı müqaviləsi 2024-cü ilin iyununa qədərdir.

O, 2022/23 mövsümündə Premyer Liqada 24 oyuna çıxıb, bir qol vurub və eyni sayda məhsuldar ötürmə edib.