Amerika kuboku: Final matçının ən yaxşı futbolçusu açıqlandı

Amerika kubokunun Argentina və Braziliya milli komandaları arasında keçirilən final matçının ən yaxşı futbolçusu məlum olub.

Komanda.az turnirin saytına istinadən xəbər verir ki, bu, Argentina yığmasının yarımmüdafiəçisi Anxel Di Mariyadır. Di Mariya görüşdə komandasına kuboku qazandıran yeganə qolun müəllifi olub.

Argentina Braziliyanı 1:0 hesabıyla məğlub edib və tarixində 15-ci dəfə Amerika kubokunu qazanıb.