Alonso “Real” haqda: “Əlaqəmiz çox güclüdür”

Leverkuzen “Bayer”inin baş məşqçisi Xabi Alonsodan “Atletiko” ilə oyun öncəsi “Real” haqda soruşulub.

“Əczaçılar” bu gün UEFA Çempionlar Liqası matçında Madriddə “Atletiko” ilə qarşılaşacaq.

Komanda.az xəbər verir ki, oyunöncəsi mətbuat konfransında Alonsoya verilən ilk sual “Real”la bağlı olub. “Kral klubu”nun keçmiş yarımmüdafiəçisi gülərək bela cavab verib:

“Vaxt keçir, amma sevgi eyni qalır. Əlaqəmiz çox güclüdür”.

İspaniyalı çalışdırıcı yayda “Real”dakı postunu tərk edəcəyi ilə bağlı şayiələr gəzən Karlo Ançelottinin yerinə əsas namizəd hesab olunur. Bununla belə, “Bayer”in baş məşqçisi bildirib ki, hazırda “kral klubu”na qayıtmaq barədə düşünmür.