Alonsodan “Real”dan gedəcəyi deyilən futbolçuya dəstək

“Real”ın baş məşqçisi Xabi Alonso komandanın futbolçusu Vini­sius Juniora tam etimad göstərir.

Son aylarda braziliyalı vingerin çıxışı ilə bağlı klub daxilində narazılıq iddiaları yayılır və onun mümkün gedişi müzakirə olunur.

Komanda.az “El Chiringuito”-ya istinadən xəbər verir ki, ispaniyalı mütəxəssis bu söz-söhbətləri kənara qoyaraq, 25 yaşlı oyunçuya dəstəyini açıq şəkildə ifadə edib.

Alonso şəxsi söhbətində Vini­siusa onu əsas oyunçulardan biri hesab etdiyini və komandadakı rolunun çox önəmli olduğunu bildirib.

Vini­sius La Liqanın son turunda “Levante”yə qarşı keçirilən matçda (4:1) qol vurub, həmçinin, məhsuldar ötürmə ilə yadda qalıb. O, oyunun ən yaxşı futbolçusu seçilib.